Бишкекте 13-14-15-июнда Борбор Азиянын 10-Юбилейлик эл аралык бий олимпиадасы өтөт. Бул тууралуу Маданият, маалымат жана жаштар саясаты министрлиги билдирди.
Маалыматта белгиленгендей, олимпиаданын алкагында төмөнкү багыттарда бий жарыштары өтөт:
- Бийдин бардык түрлөрү боюнча чемпионат;
- Бийдин бардык түрлөрү жана спорт багыты боюнча «Вершина» фестивалы (судьясы жок форматта);
- Спорт мажореткалары жана батон твирлинг боюнча жарыш;
- Чир спорт боюнча «KYRGYZSTAN OPEN» Эл аралык ачык турнири;
- Кыргызстандын чир спорт боюнча чемпионаты.
Олимпиадага Казакстан, Өзбекстан, Азербайжан, Россия, Пакистан, Индия, Япония, Корея, Швейцария, Чехия жана Тажикстан өлкөлөрүнөн бийчилери катышат.