Синоптиктердин маалыматына ылайык, алдыдагы аптада Кыргызстандын көпчүлүк аймактарында күн ачык болот. Бирок 7–8-июндан тарта өлкө боюнча жаан-чачын, айрым жерлерде күн күркүрөшү күтүлүүдө.
Бишкек:
Шаарда апта ичинде күн ачык болуп, абанын температурасы 36°Сге чейин көтөрүлөт. Жаан-чачын 7–8-июнь күндөрү гана болору божомолдонууда.
Ош:
Дүйшөмбүдө мезгил-мезгили менен жамгыр жаашы мүмкүн. Андан кийинки күндөрү аба ырайы ачык болуп, ишембиде кайрадан бузулат деп күтүлүүдө.
Чүй жана Талас облустары:
Аймактарда, өзгөчө тоолуу райондордо, 7–8-июнда жаан жаап, күн күркүрөшү мүмкүн. Өрөөндөрдө аба ырайы негизинен туруктуу болот.
Ош, Жалал-Абад жана Баткен:
Түштүк аймактарда дүйшөмбүдө жаан жаап, күн күркүрөшү мүмкүн. Калган күндөрү күн ачык болот. 7–8-июнда көпчүлүк аймактарда кайрадан жаан жаашы күтүлүүдө.
Ысык-Көл жана Нарын:
Бул эки облуста жума жаан менен башталат. Тоолуу аймактарда 7-июнга чейин жаан-чачын болушу мүмкүн. Дыйканчылык аймактарда болсо күн ачык болору айтылууда. Апта соңунда бул аймактарда дагы жаан жаашы ыктымал.