УКМК төрагасы Камчыбек Ташиев Баткендеги кыргыз-тажик чек арасына зым тартуу иштери качан аяктарын айтты. Бул тууралуу ал УКМКнын жаңы имаратынын ачылышында журналисттин суроосуна жооп берип жатып билдирген.
Анын айтымында, чек араны тосууга 200дөн ашык киши жана бир нече техника тартылган.
«25 чакырымдай жерге зым тосулуп бүтүп калды. Күчтү катуураак жумшасак быйыл тосуп бүтүп калабыз деген үмүттөмүн. Быйыл бүтпөй калсак, жазга барып бүтөбүз», — деген ал.
Биринчи этапта кыргыз-тажик чек арасынын 420 чакырымына зым тартылары айтылган.