Министрлер Кабинетинин төрагасынын орун басары Эдил Байсалов август айынын башына чейин мугалимдерге 57 миңге жакын ноутбук таратыларын билдирди. Аны менен катар мугалим болгусу келгендер үчун мүмкүнчүлүк бере турган программа жакында ишке кирерин кошумчалады.
«Биз бардык журналисттерди мугалимдик кесипти кайра даярдоо мүмкүнчүлүгүн карап көрүүгө чакырабыз. Жалаң эле журналисттер эмес. бардык таланттуу адамдар карап чыкса болот. Бул программа жакында жарыяланат. Мугалимдердин айлыгы жакшы, андан да жакшы болот. Эки жума аралыгында каалоочулар кайра даярдоодон өтүп, мугалимдик кесиптин сертификаттарын алып, мектептерде сабак бере алышат», — деди ал.