Министрлер Кабинетинин төрагасы Адылбек Касымалиев Тажикстан Республикасынын Душанбе шаарына 2025-жылдын 4-5-июнь күндөрү жумуш сапары менен барат. Бул тууралуу өкмөттүн маалымат кызматынан кабарлашты.
Жумуш сапарынын алкагында төрага Көз карандысыз Мамлекеттер Шериктештигинин өкмөттөрүнүн башчыларынын кеңешинин жыйынына катышат. Отурумдун жүрүшүндө соода-экономикалык, илимий-техникалык жана маданий-гуманитардык тармактарында сүйлөшүүлөр жүргүзүлүп, чечимдер кабыл алынат.
Ошондой эле, эки тараптуу жолугушуулар өткөрүлөөрү жана бир катар документтерге кол коюлаары пландалууда.