Ош шаарында 720 орундуу №11 Валентина Терешкова атындагы жатак мектептин ачылыш аземи болду. Иш-чарага президент Садыр Жапаров, министрлер кабинетинин мүчөлөрү жана Россиядан келген өкүлдөр катышты.
Мамлекет башчысы белгилегендей, мектепке ысымы ыйгарылган космонавт, СССРдин баатыры Валентина Терешкова ачылышка аралыктан катышты. Жатак мектеп миңдеген окуучуларды тарбиялап, өлкөнүн ар кыл тармактарында эмгектенген көрүнүктүү инсандарды чыгарган. Алардын катарында Жогорку Кеңештин депутаттары, министрлер жана коомдук-саясий ишмерлер бар. Бүтүрүүчүлөрүнүн арасында министрлер кабинетинин төрагасынын орун басары – УКМК төрагасы Камчыбек Ташиев да бар.
Учурда мектепте көп балалуу, аз камсыз болгон жана оор турмуштук шартта жашаган үй-бүлөлөрдүн балдары билим алууда.
Жатак мектеп 1963–1964-жылдары курулган жана бүгүн толук реконструкциялоодон өттү.