Кыргыз Республикасынын Суу ресурстары, айыл чарба жана кайра иштетүү өнөр жайы министрлиги 2025-жылдын жыйынтыгы боюнча бир катар маанилүү иштерди аткарды.
Суу ресурстары:
-
10 бассейн жөнгө салуу курулду, 12 объектте курулуш, 29 объектте долбоорлоо иштери жүрүүдө;
-
430 км каналдар, 302 гидротехникалык курулма, 91 насостук станция оңдолду;
-
8 365 га аянтка тамчылатып жана жамгырлатып сугаруу орнотулду.
Айыл чарба жана көчөттөр:
-
12 млн 152 миң көчөт даярдалып, импорт азайды;
-
Кыргызстан алгач ирет 40 тонна беденин үрөнүн Россияга, 1,6 тонна ашкабактын үрөнүн Японияга экспорттоду;
-
Чүй облусунда помидор түшүмдүүлүгү гектарына 120 тонна болуп, дүйнөлүк рекорд коюлду.
Жайыт жана тоют:
-
224 тоннадан ашуун чөп жана эспарцет үрөөнү 14 938 га жайытка себилди;
-
“Судан” гибриди жайылтылып, гектарынан 100 тонна жашыл масса алынууда.
Мал чарбачылыгы жана ветеринария:
-
60 млн сомго жасалма уруктандыруу шаймандары техник-осеменаторлорго берилди;
-
Ветеринардык кызматка 40 кызматтык автоунаа тапшырылды.
Өнөр жай жана кайра иштетүү:
-
2024-жылдын августунан бери 30 ишкана ишке кирди, 2025-жылы дагы 35 ишкана ачылат;
-
68 жаңы кооператив түзүлүп, жалпы саны 813кө жетти;
-
3,3 млрд сом жеңилдетилген насыя 1 251 субъектке берилди.
Экспорт жана азык-түлүк коопсуздугу:
-
Кыргызстандын айыл чарба продукциялары 80ден ашык өлкөгө экспорттолууда;
-
462 ишкана ЕАЭБ реестрине, 37 – Кытайга, 45 – Өзбекстанга, 12 – Түркияга катталды;
-
Калк үчүн негизги азык-түлүктөр – сүт, эт, картошка, жашылча, кумшекер жана жумуртка менен толук камсыздандырылууда.