Кытайдын «Anhui Ankai Automobile Company» компаниясы менен келишимдин негизинде Бишкекке 18 электробус келди. Бул тууралуу муниципалитеттин социалдык тармагында маалымдалды.
«Азия өнүктүрүү банкы тарабынан каржыланган долбоордун алкагында Бишкекке жалпысынан 120 электробус келет. Мындан тышкары, эки автобазада реконструкциялоо иштери аяктап, электробустарды кабыл алуу үчүн инфраструктураны даярдоо иштери жүрүп жатат», — деп айтылат маалыматта.
Эске салсак, 31-майда борбор калаага 3 электробус, апрель айында 2 электробус келген. Ошентип, Бишкекке жалпы 23 электробус келди.