Жыл башынан бери Эмгек, социалдык камсыздоо жана миграция министрлигинин (111) Балдар үчүн ишеним телефонуна 26 996 чалуу түшкөн. Бул тууралуу министрликтен билдиришти.
Маалыматка ылайык, бул күнүгө орточо 178 кайрылуу, айына 5 399дан ашуун чалуу деенди билдирет.
Жалпы кайрылуулардын ичинен 932 чалуу жардам жана кеңеш сурагандардан болгон:
- балдар – 378 чалуу (40,6%);
- чоң адамдар – 554 чалуу (59,4%).
Чалуулардын арасынан кыз балдар басымдуу болду. Ошондой эле кеңеш алуу үчүн эркектерге караганда аялдар көп кайрылышты. 932 чалуунун ичинен:
- эркектер – 175 (18,8%);
- аялдар – 379 (40,6%);
- эркек балдар – 106 (11,4%);
- кыз балдар – 272 (29,2%)
Аймактар боюнча алганда, эң көп чалуу Бишкек шаарынан түшкөн – 207 чалуу (22,2%), андан кийин Чүй облусу – 84 чалуу (9%), үчүнчү орунда Жалал-Абад облусу – 51 чалуу (5,5%). Эң аз кайрылуу Талас облусунан – болгону 15 чалуу (1,6%).
Социалдык жардам, үй-бүлөлүк чыр-чатактар, балдарга карата зомбулук , балдардын тарбиясы жана жүрүм-туруму, мектеп рэкетчилиги ж.б.у.с маселелер менен кайрылышкан.