Дүйнөдө тукум улоо көрсөткүчтөрү кескин төмөндөөдө. Бул тууралуу БУУнун Калктын саны боюнча фондунун (ЮНФПА) жаңы баяндамасында айтылат.
Докладда белгиленгендей, төрөт көрсөткүчү көп өлкөлөрдө тынчсыздануу жараткан деңгээлге түшүп кеткен. Буга социалдык жана экономикалык кыйынчылыктар негизги себеп катары көрсөтүлүүдө. Сурамжылоого катышкан жарандар жумуш менен бала тарбиялоону айкалыштыруу оор экенин белгилешкен. Ошондой эле демографиялык саясаттын натыйжасыздыгы жана саясий туруксуздук да таасир этүүдө.
ЮНФПАнын аткаруучу директору Наталия Канем бул көрүнүштөргө көп адамдардын каалагандай үй-бүлө кура албаганы себеп болуп жатканын белгилеп, муну “чындыкка айланган олуттуу маселе” катары мүнөздөгөн.