Борбор калаада «Ден соолугу чың адам – гүлдөгөн өлкө» программасынын жыйынтыктарына арналган Саламаттыкты сактоо форуму болуп өттү.
Иш-чарада вице-премьер-министр Эдил Байсалов саламаттыкты сактоо системасын өнүктүрүү жана модернизациялоо өлкөнүн башкы багыты экенин белгиледи.
Анын айтымында, жакынкы беш жылда тармакка мамлекеттик каржылоону үч эсеге көбөйтүү пландалууда — 2025-жылы 44 млрд сомдон 2030-жылга чейин 130 млрд сомго чейин жетет.
«Аялдар менен балдардын ден соолугуна өзгөчө көңүл бурулат, өмүр узактыгын жогорулатуу — негизги приоритет», — деди Байсалов.
Форумдун жыйынтыгында оорулардын алдын алуу, санариптештирүү жана медицина кызматкерлеринин квалификациясын жогорулатуу боюнча Резолюция кабыл алынды.