Ош шаарынын мэри Жеңишбек Токторбаев Маданият министрлигинен Сулайман-Тоонун айланасын муниципалитеттин карамагына өткөрүп берүүнү суранууда. Бул тууралуу мэриянын маалымат кызматы жарыялады.
«Коноктор келсе эмнени көрсөтөбүз? Мүрзөлөр 100, 70 жыл мурун орнотулган. Ошондуктан аларды алып салыш керек, жолду кеңейтип, электромобилдерди ишке киргизиш керек»,-деди Жеңишбек Токторбаев.
Мэрдин айтымында, тоонун этегиндеги көрүстөндү рекультивациялоо жана ага бак-дарактарды, газондорду отургузуу, сейилдөө үчүн жашыл аймакты түзүү, электромобилдерди ишке киргизүү керек.