Орусиянын Тышкы чалгындоо кызматынын директору Сергей Нарышкин Батыш өлкөлөрүн Орусиянын ички саясатына кийлигишүүгө аракеттенип жатат деп айыптады. Бул тууралуу ТАСС маалымат агенттиги жазды.
Анын айтымында, Батыш мамлекеттери Владимир Путинди бийликтен кетирүү жана өлкөнү бөлүп-жаруу максаттарын көздөшөт.
Нарышкин мындай идеялар Орусия ичинде да тарап жатканын белгилеп, аларга «шаардык жинди» деп сыпаттаган адамдардын чакан топтору колдоо көрсөтүп жатканын кошумчалады. Ошол эле учурда ал мындай аракеттерге каршы турууну улантаарын билдирди.
Батыш мамлекеттери бул айыптоолорго азырынча расмий жооп кайтара элек.