Түнкү сугаруу – түшүмдүүлүккө жол ачат. Суу ресурстары, айыл чарба жана кайра иштетүү өнөр жайы министрлиги дыйкандарга эгинди түнкү убакытта суугарууну сунуштайт.
Маалыматка ылайык, айыл чарба министринин орун басары Алмаз Жээналиев түнкү убакытта Чүй облусунун суу камсыздоо объектилерин көрүп, сугаруу процессинин жүрүшүн жана дыйкандарга суу берүү тартиби менен таанышты.
Таанышуу суугаруу системалары түн ичинде канчалык натыйжалуу иштеп жатканын баалоо максатында жүргүзүлгөн.
Белгилей кетсек, учурда аймакта сугат суу дыйкандарга суу жүгүртүү ыкмасы аркылуу жеткирилүүдө. Бул ыкма суунун сарамжалдуу колдонулушун камсыз кылып, ресурстардын үнөмдүүлүгүн арттырат.