Президент Садыр Жапаров “Кыргыз Республикасынын Министрлер Кабинети жөнүндө” конституциялык мыйзамга өзгөртүү киргизүү боюнча мыйзамга кол койду.
Маалыматка ылайык, конституциялык мыйзам Министрлер Кабинетинин ишин өркүндөтүү максатында иштелип чыкты.
Ага ылайык:
– Министрлер Кабинетинин төрагасынын жана башка мүчөлөрүнүн кызмат орундарын жогорку билимге ээ, мамлекеттик жана (же) муниципалдык кызматтарда жалпысынан 7 жылдан кем эмес иш стажы бар, анын ичинде жетекчи кызмат орундарында 5 жыл, ошондой эле 10 жылдан кем эмес иш тажрыйбасы бар адамдар ээлей алат;
– аткаруу бийлигинин башка органынын жетекчисинин кызмат ордун жогорку билимге ээ, мамлекеттик жана (же) муниципалдык кызматтарда жалпысынан 5 жылдан кем эмес иш тажрыйбасы бар, анын ичинде жетекчи кызмат орундарында 3 жыл, ошондой эле 7 жылдан кем эмес иштеген адамдар ээлей алат.
Тактап кетсек, аталган мыйзам 4-июнда Жогорку Кеңеш тарабынан кабыл алынган.