Армениянын парламенти «Армениянын элект тармактары» компаниясын улутташтырууга жол ачкан мыйзам долбоорун биринчи окууда кабыл алды.
Аталган компания орусиялык армян тектүү миллиардер Самвел Карапетянга тиешелүү болгон. Ал июнь айында Ереванда «бийликти басып алууга чакырык жасаган» деген айып менен камакка алынган.
«Армениянын элект тармактары» — өлкөдө электр тармагын бөлүштүрүү боюнча монополист. Оппозиция бул кадамды саясий куугунтук жана менчикти тартып алуу аракети катары баалады. Мыйзамга өзгөртүүлөрдү армян премьер-министри Никол Пашиняндын «Жарандык келишим» фракциясы колдоду.