УКМК төрагасы, Кыргызстан футбол биримдигинин жетекчиси Камчыбек Ташиев Өзбек футбол ассоциациянын жетекчилерин курама команданын Дүйнө чемпионатына чыгышы менен куттуктады.
Маалыматка ылайык, Камчыбек Ташиев Өзбекстан футбол ассоциациясынын президенти Баходир Курбанов жана биринчи вице-президенти Равшан Ирматов менен жолугушту. Ал Ташкентке белектерди даярдап барган.
“Команда кыялдардын ишке аша тургандыгын далилдеди. Келе жаткан Дүйнө чемпионатында Өзбекстан курамасы үчүн жан үрөп турабыз”, — деди КФБ жетекчиси.
