13-июнда Бишкекте толугу менен жаңыланган «Алга» шаардык спорт комплексинин ачылыш аземи президент Садыр Жапаровдун катышуусунда өтөт.
Кыргызстандын футбол союзунан кабарлашкандай, ачылыш аземи Кыргызстандын Жогорку Лигасынын 12-турунун алкагында «Алга» жана «Барс» футбол клубдарынын беттеши менен уланат.
Иш-чара ошондой эле ата мекендик эстрада артисттеринин концерти менен коштолот. Концерттик программа 18:30да башталып, беттештин ышкырыгы 20:30да жаңырат.
Маалыматта стадионго кирүү чакыруу менен болору жазылган.