Кыргызстан 1-июлдан тарта QR-код жана төлөм коду аркылуу салык төлөөгө өтөт. Бул тууралуу Мамлекеттик салык кызматы маалымдады.
Маалыматка ылайык, Мамлекеттик салык кызматынын төрагасынын орун басары Мирлан Рахманов коммерциялык банктардын өкүлдөрү менен жумушчу кеңешме өткөрүп, июлдан тартып салык органдары тарабынан тескөөчү салыктык эмес кирешелер, камсыздандыруу төгүмдөрүн банктык кассалар аркылуу – жалаң гана төлөм коду же QR код аркылуу төлөөгө өтүүнү талкуулашты.
Мамлекеттик салык кызматы салыктарды төлөм коду же QR код менен төлөө төмөнкүлөрдү камсыздай турганын белгиледи:
— онлайн режиминде салык төлөөчүнүн төлөнгөн салык суммаларын бюджетке чегерүү; — банктык кассаларда төлөм документтериндеги реквизиттерди толтурууда каталарды жоюу;
— салык төлөөчүлөр үчүн тез жана сапаттуу тейлөө.