Башкы прокуратура парламенттик шайлоонун жаңы системасы боюнча мыйзам долбоорунун авторлорунан 30 көп мандаттуу округдарды түзүүнү негиздеп берүүнү өтүндү.
Парламенттик шайлоонун жаңы системасы боюнча мыйзам долбоору боюнча Башкы прокуратуранын сунуштарын башкы прокурордун орун басары Үмүткан Конкубаева билдирди.Анын айтымында, мыйзам долбоорунда Жогорку Кеңештин 90 депутаты 30 көп мандаттуу аймактык шайлоо округу боюнча мажоритардык система менен шайланаары, шайлоо күрөөсүнүн өлчөмү, округдагы шайлоочулардын жана агитаторлордун саны да көбөйтүлгөнү белгиленген.
“Мыйзам долбоорунун негиздеме күбөлүгүндө эмне үчүн мындай өзгөртүүлөр киргизилип жаткандыгы көрсөтүлгөн эмес.Талапкерлерге шайлоо күрөөсүн кайтарып берүү маселеси да бар. Шайлоо бюллетенине байланыштуу дагы бир жагдай: талапкерлер кандайча көрсөтүлө турганы айтылган эмес»,- деди Конкубаева.