Президент Садыр Жапаровдун 26-27-июнунда Беларусь Республикасына болгон иш сапары аяктады.
Мамлекет башчысы биринчи күнү БелЭКСПО Минск эл аралык көргөзмө борборунун аянтында Евразия экономикалык форумуна катышты. Андан кийин ЖЕЭК катышуучу-өлкөлөрүнүн лидерлери беларусь техникаларынын үлгүлөрү менен таанышышты.
Экинчи күнү президент Садыр Жапаров Евразия экономикалык кеңешинин кезектеги жыйынына катышты.
Иш-чарага Евразия экономикалык бирлигинин Мамлекет башчылары — Кыргыз Республикасынын президенти Садыр Жапаров, Армениянын премьер-министри Никол Пашинян (видеоконференция форматында), Беларусь Республикасынын президенти Александр Лукашенко, Казакстан Республикасынын президенти Касым-Жомарт Токаев, Россия Федерациясынын президенти Владимир Путин жана Евразия экономикалык комиссиясынын коллегиясынын төрагасы Бакытжан Сагинтаев, ошондой эле ЕАЭБге байкоочу-мамлекеттер – Өзбекстан Республикасынын, Куба Республикасынын жана чакырылган коноктор – Монголия, БАЭ башчылары катышты.
ЖЕЭК жыйынынын жыйынтыгында бир катар көп тараптуу документтерге кол коюлду.
Беларусь Республикасына болгон иш сапарын аяктап, президент Садыр Жапаров 27-июнда Чолпон-Ата шаарына кайтып келди.