Президент Садыр Жапаров мамлекеттин акчасына кол салгандар жазасыз калбасын эскертти. Бул тууралуу ал 16-июлда Фейсбуктагы баракчасына жазды.
«Мамлекеттин акчасына кол салган бир дагы чиновник кеч болсо да жазасыз калбайт. Ошондуктан азыртадан оңолгула. Биздин убагыбызда мамлекеттин акчасын уурдоо деген болбош керек», — деп жазган өлкө башчы соцтармактагы баракчасына.
Эске салсак, бүгүн эле УКМК төрагасы Камчыбек Ташиев Бишкектеги айрым мамлекеттик органдарды кыдырып чыккандан кийин бир топ аткаминер кармалып, суракка чакырылды.