Улуу Британия 16 жана 17 жаштагы жарандарга шайлоого катышууга уруксат берүүнү сунуштап жатат. Бул тууралуу Reuters жазды.
Өкмөттүн билдирүүсүнө караганда, бул өзгөртүү Шотландия менен Уэльстеги тажрыйбага шайкеш келет. Ал жакта өспүрүмдөр аймактык шайлоолорго катыша алышат.
Бирок мыйзам күчүнө кириши үчүн британ парламентинин макулдугу талап кылынат.
Парламенттик баяндамада 2024-жылдагы шайлоодо добуш берүү көрсөткүчү болгону 59,7% түзгөнү белгиленген. Бул — 2001-жылдан берки эң төмөнкү деңгээл.