Эмгек министрлиги кыргызстандыктарды АКШ, Канада жана Европа өлкөлөрүндөгү жеңил жумуш жана акча тууралуу жарнактарга алданбоого чакырды.
Алдамчылар нейро тармактарын колдонуп, шоколад заводдорунда, белгилүү компаниялардын кампаларында иштөөнү сунушташат. Айлыктары жогору, жашы боюнча чектөө жок жана тил билүү шарт эмес деп жарнамалашат.
Өкмөт чет өлкөдө көптөгөн жумуш орундарында жаш курак боюнча чектөөлөр бар экенин жана акча үчүн шашылыш түрдө брондоп коюу алдамчылыктын биринчи белгиси экенин эскертет.