14-августта Евразия өкмөттөр аралык кеңешинин кезектеги жыйынына катышуу үчүн Кыргызстанга расмий сапар менен бир катар өлкөлөрдүн жетекчилери келишти. Атап айтканда, “Ысык-Көл” эл аралык аэропортуна Иран Ислам Республикасынын биринчи вице-президенти Мохаммад Реза Ареф жана Өзбекстандын премьер-министри Абдулла Арипов конушту.
Меймандарды аэропорттон Министрлер Кабинетинин төрагасынын орун басары – суу ресурстары, айыл чарба жана кайра иштетүү өнөр жайы министри Бакыт Төрөбаев тосуп алды.
Эске салсак, 14–15-август күндөрү Чолпон-Ата шаарында Евразия экономикалык биримдигине мүчө мамлекеттердин премьер-министрлеринин жана Биримдикке байкоочу макамындагы мамлекеттердин делегация башчыларынын катышуусунда Евразия өкмөттөр аралык кеңешинин кезектеги жыйыны өтөт.
