Кечээ Бишкектеги Дөлөн Өмүрзаков атындагы стадиондо Кыргызстан менен Палестинанын футбол боюнча U-23 курама командалары жолугушту.
2026-жылкы Азия Кубогуна тандоо оюндарынын алкагында өткөн беттеш 2:1 эсебинде Кыргызстандын жаштар командасынын жеңиши менен аяктады.
Оюнга Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчиси Адылбек Касымалиев да катышып, спортчуларга колдоо көрсөттү.
Кыргызстандын бул жеңиши тандоо баскычы үчүн маанилүү старт болуп калды.