Ысык-Көл облусунда «Ак илбирс» экологиялык коридору түзүлдү. Бул тууралуу Жаратылыш ресурстары, экология жана техникалык көзөмөл министрлиги билдирди.
«Ысык-Көлдүн Сары-Жаз өрөөнү, Какшаал, Жети-Бел тоо кыркалары, Кан-Теңири жаратылыш паркы, Сары-Чат — Ээр-Таш коругу жана Нарындын жаратылыш коругун бириктирген аймак экологиялык коридор болду. Максаты — жаныбар, өсүмдүк жана биологиялык ар түрдүүлүктү коргоо», — деп жазылат маалыматта.
Анын жалпы аянты 792 миң гектарды түзөт.