Кыргыз Республикасынын Президенти Садыр Жапаров Түркия Республикасынын Президенти Режеп Тайып Эрдоганга аскердик учактын кырсыкка кабылышына байланыштуу көңүл айтты. “Азербайжан Республикасынан Түркия Республикасына бара жаткан аскердик учагы кырсыкка учураганын терең кайгыруу менен кабыл алдым.
Кыргыз Республикасынын элинин жана жеке өзүмдүн атымдан чын жүрөгүмдөн Сизге жана Түркия Республикасынын элине терең кайгыруу менен көңүл айтам.
Курман болгондордун туугандарына жана жакындарынын кайгысын тең бөлүшөм”, — деп айтылат Мамлекет башчысынын телеграммасында.