«Ала-Тоо» кинотеатрында Түрк киносунун күндөрүнүн салтанаттуу ачылыш аземи өттү. Бул тууралуу Маданият министрлигинин басма сөз кызматы кабарлады.
Ачылышка түрк жылдыздары — актрисалар Дамла Сөнмез, Йылдыз Чагры Атиксой, Эжем Сена Байыр, Дуйгу Мержан жана актёрлор Барыш Кылыч менен Аныл Алтан катышты. Алар кызыл килемде ардактуу коноктор катары кабыл алынды.
Маданий иш-чара 4-8-сентябрда өтүп, кыргыз-түрк маданий байланыштарын чыңдоо жана түрк кинематографиясын жайылтуу максатында уюштурулду. Бардык көрсөтүүлөр «Ала-Тоо» кинотеатрында өтөт жана кирүү акысыз.
Программада:
-
4-сентябрь: «Хемменин өлгөн күндөрүнүн бири» — реж. Мурат Фыратоглу
-
5-сентябрь: «Сүйүү байланыштары» — реж. Хакан Куршун
-
6-сентябрь: «Акылдан жүрөккө» — реж. Өзер Фейзиоглу
-
7-сентябрь: «Хай Хак Карагөз — Хаживат» (анимациялык тасма) — реж. Кенан Акташын
-
8-сентябрь: «Эрке» — реж. Онур Үнлү