Кыргыз Республикасынын Министрлер Кабинетинин Төрагасы – Президенттин Администрациясынын Жетекчиси Адылбек Касымалиев суу чарба кызматкерлерин кесиптик майрамы менен куттуктады.
Ал куттуктоосунда суу чарба тармагы өлкөнүн айыл чарбасын, энергетикасын жана өнөр жайын өнүктүрүүдө, экологиялык коопсуздукту камсыз кылууда өзгөчө мааниге ээ экенин белгиледи. Ошондой эле бул тармактагы кызматкерлердин кесипкөйлүгү, берилгендиги жана эмгеги Кыргызстан экономикасынын туруктуулугуна жана жарандардын жашоо сапатына түздөн-түз салым кошуп жатканын айтты.
Касымалиев суу чарба кызматкерлерине бекем ден соолук, үй-бүлөлүк бакубатчылык жана ишинде ийгиликтерди каалады.