Жогорку Кеңештин Социалдык саясат боюнча комитети психологдордун жарнамасына чектөө киргизүүнү караган мыйзам долбоорун жактырды. Документте тиешелүү билимине дал келген диплому жок адамдардын психологиялык кызмат көрсөтүү боюнча жарнамасына жол бербөө сунушталууда.
Талкуу маалында депутат Гүлсүнкан Жунушалиева абийирсиз психологдор менен экстрасенстердин айынан жарандар жабыркап жатканын белгилесе, Элдар Абакиров мектептерди кесипкөй психологдор менен камсыздоо маселесин көтөрдү.