Бириккен Улуттар Уюмуна мүчө мамлекеттердин ичинен Палестина мамлекетин тааныгандардын саны 157ге жетти. Бул тууралуу Түркиянын «Анадолу» агенттиги кабарлады. Акыркы күндөрү тогуз өлкө өз позициясын өзгөртүп, Палестинаны тааныганын жарыялагандан кийин бул көрсөткүч өсүп олтуруп, 193 мүчө мамлекеттин басымдуу бөлүгүн камтыды.
Израилдин Газадагы аскерий аракеттери жана ага байланышкан жапырт нааразычылыктарга карабастан, дүйнөлүк коомчулуктун маанилүү бөлүгү Палестинаны эгемендүү мамлекет катары колдоосун билдирүүдө. Ошондой эле БУУга мүчө болбогон Ватикан да Палестинаны расмий тааныгандардын катарында турат.