Социалдык тармактарда Президент Садыр Жапаровдун сүрөтү колдонулган жасалма насыя жарнамалары пайда болду. Бул тууралуу мамлекет башчынын маалымат катчысы Аскат Алагөзов билдирди.
Анын айтымында, алдамчылар өздөрүн мамлекеттик долбоор катары көрсөтүп, «аз үстөк менен насыя беребиз» деп жарандарды адаштырып жатышат.
Алагөзов жарандарды акчага байланышкан маалыматтарды сөзсүз расмий булактардан тактоого чакырып, бул көрүнүштү «кезектеги көз боёмочулардын схемасы» деп атады.