Франциянын мурдагы президенти Николя Саркози 2007-жылдагы шайлоо кампаниясын Ливия каржылаган деген иш боюнча күнөөлүү деп табылып, 5 жылга шарттуу түрдө эркинен ажыратылды. Бул тууралуу BFM TV кабарлады.
Сот Саркозиге кошумча 100 миң евро айып салды жана 5 жыл бою мамлекеттик кызматтарды ээлөөгө же шайлоого катышууга тыюу койду.
Саркози өзүн күнөөсүз деп атап, чечимди сөзсүз түрдө даттанарын билдирди. Анын жакын санаалаштары – Клод Геан жана Брис Ортефө тең 6 жана 2 жылга кесилди.
Белгилей кетсек, бул иш 2012-жылы француз медиа порталы Mediapart Каддафинин режиминен Саркозинин кампаниясына акча берилгени тууралуу документ жарыялагандан кийин башталган.