26-мартта Жогорку Кеңештин төрагасы Марлен Маматалиев Москвада Федерация Кеңешинин төрайымы Валентина Матвиенко менен жолугушту.
Жолугушууда тараптар Кыргызстан менен Россиянын ортосундагы кызматташтыкты кеңейтүү, парламенттер аралык байланыштарды тереңдетүү маселелерин талкуулашты.
Айрыкча соода-экономикалык жана инвестициялык кызматташтыкка көңүл бурулуп, товар жүгүртүүнү 5 млрд долларга жеткирүү максаты белгиленди. Ошондой эле энергетика, айыл чарба, туризм жана транспорт тармактарындагы мүмкүнчүлүктөр айтылды.
Мындан тышкары, жолугушууда эмгек миграциясы маселеси көтөрүлүп, Россиядагы кыргыз жарандарынын көйгөйлөрүн чечүү жолдору талкууланды.