Жогорку Кеңештин депутаттары Гүлшаркан Култаева жана Болотбек Борбиев Ашхабад шаарында өтүп жаткан гендердик теңчилик жана зомбулукка каршы күрөш боюнча парламенттер аралык диалогго катышууда.
Иш-чарада мыйзамдарды эл аралык стандарттарга шайкеш келтирүү, CEDAW алкагындагы милдеттенмелерди аткаруу жана зомбулукка каршы чараларды күчөтүү маселелери талкууланууда. Депутаттар Кыргызстандагы аялдардын укуктарын коргоо жана үй-бүлөлүк зомбулуктун алдын алуу боюнча жүргүзүлүп жаткан реформалар тууралуу маалымат беришти.