6-октябрдан 10-октябрга чейин Боом капчыгайында (Бишкек—Нарын—Торугарт унаа жолунун 128-чакырымы) кооптуу таштарды түшүрүү иштери жүргүзүлөт. Бул тууралуу «Кыргыз темир жолу» мамлекеттик ишканасы маалымдады.
Маалыматка ылайык, иштер аба ырайынын шарттарына жараша темир жолдун 3 898-чакырымында өтөт.
Чектөөлөр:
- Жумуштар күн сайын саат 09:00дөн 15:00гө чейин жүргүзүлөт.
- Иш учурунда жол жарым-жартылай жабылат.
- Таштар тазаланганда унаалар бир тилке аркылуу өткөрүлөт.
- Жол кыймылын ИИМдин Жол кыймылынын коопсуздугун камсыздоо башкармалыгы көзөмөлдөйт.
«Кыргыз темир жолу» айдоочуларды жолдогу чектөөлөрдү эске алып, сапарларын алдын ала пландап алууга чакырат.