Беларусь, Казакстан, Кыргызстан жана Россиянын аскердик контингенттери Жамааттык Коопсуздук Келишими Уюмунун (ОДКБ) биргелешкен аскердик машыгууларына катышуу максатында Тажикстанга жөнөп кетишти. Бул тууралуу уюмдун маалымат кызматы кабарлады.
Маалыматка ылайык, 14–19-октябрь аралыгында аскердик бөлүктөр ЖККУнун Тынчтык орнотуу күчтөрүнүн “Жеңилбес бир туугандык – 2025” аттуу биргелешкен машыгуусуна жана радиациялык, химиялык жана биологиялык коргонуу менен медициналык камсыздоо боюнча атайын машыгууга “Барьер – 2025” катышуу үчүн Тажикстандын аймагына кайра топтолууда.
Контингенттер менен жүк каражаттары машыгуу өтө турган аймакка аба жана автотранспорт аркылуу жеткирилүүдө.
Окуу “Фахрабад” полигонунда өтүп, анын жүрүшүндө катышуучулар ОДКБнын Тынчтык орнотуу күчтөрү тарабынан тынчтык орнотуу операциясын даярдоо жана жүргүзүү боюнча тапшырмаларды иштеп чыгышат.
Мындан тышкары, алгач ирет тынчтык орнотуу машыгууларынын алкагында “Барьер – 2025” атайын окуусу өткөрүлүп, анда биологиялык коркунучтардын булактарын жоюу жана медициналык колдоону уюштуруу маселелери практикалык түрдө аткарылат.
ОДКБнын билдирүүсүндө белгиленгендей, окуу машыгынын активдүү фазалары КМШ өлкөлөрүнүн компетенттүү органдары катышкан “Антитеррор кызматташтык – 2025” аттуу антитеррордук машыгуунун акыркы этабы менен бирдикте өткөрүлөт.