Президент Садыр Жапаров IV Элдик курултайды өткөрүү тууралуу жарлыгына өзгөртүү киргизди. Ага ылайык, курултай мурда белгиленген 22-декабрдын ордуна 25-декабрда өтөт. Иш-чарага 700 делегат катышары белгиленди.
Эске салсак, 2024-жылы өткөн үчүнчү Элдик курултайга 698 делегат катышкан. Алардын 539у эркек, 161и аял болгон. Ошондой эле жыйынга ар кайсы өлкөлөрдөгү кыргыз диаспорасынын 30 өкүлү — Орусия, АКШ, Канада, Түркия, Германия, Түштүк Корея, Казакстан, Чехия, Италия жана Улуу Британиядан келген.
“Элдик курултай жөнүндө” конституциялык мыйзам 2023-жылдын 24-июлунда кабыл алынган. Ага ылайык, делегаттардын жалпы саны 1070тен 700гө чейин кыскартылган. Элдик курултайдын биринчи жыйыны 2022-жылы ноябрда, экинчиси 2023-жылдын декабрында өткөн.