АКШда республикачылар менен демократтар федералдык бюджет боюнча макулдашууга келе албай, өкмөттүн иши токтоп турат. Учурдагы шатдаун өлкө тарыхындагы эң узакка созулушу мүмкүн.
Мунун айынан АКШ аэропортторунда ондогон каттамдар кечигип же токтотулууда. Жарандык авиация башкармалыгы (FAA) кадр тартыштыгынан улам аба кыймылын жайлатууга аргасыз болгон.
Маалыматка караганда, 13 миңге жакын авиадиспетчер айлыксыз иштеп жатат, айрымдары жумушка чыкпай калууда. Бул аба каттамдарынын графигин сактоону кыйындап жатат.
Даллас жана Остин аэропортторунда каттамдар кечиксе, Хьюстон жана Вашингтон шаарларында да ушундай абал болушу мүмкүн. Бир гана дүйшөмбү күнү 2900гө жакын рейс кечиккен.