АКШдагы Нью-Йорк шаарынын мэри болуп 34 жаштагы демократ Зохран Мамдани шайланды. Ал шаар тарыхындагы акыркы 100 жылдан берки эң жаш мэр, ошондой эле алгачкы мусулман жана Африкадан чыккан жетекчи болуп калды.
Мамдани Угандада төрөлгөн, өзүн социалист катары таанытат. Ал шайлоодо мурдагы губернатор Эндрю Куомо менен республикачыл Кертис Сливаны жеңди.
Жаңы мэр жеңишинен кийин сүйлөп жатып:“Нью-Йорк — ар дайым иммигранттар курган, иммигранттар жашаган жана эми иммигрант жетектеген шаар болот,” — деди ал.
Ошондой эле Мамдани эл алдында:“Биз байлар үстөмдүк кылган саясий доорду артта калтырдык. Эми эмгекчил Нью-Йорк үчүн жаңы барак ачылды,” — деп белгиледи.