Газанын түштүгүндөгү Хан-Юнис аймагында Израил армиясы ХАМАСка байланыштуу объектилерди интенсивдүү аткылоону улантууда.
Израил Коргоо күчтөрү билдиргендей, палестиналык куралдуу топтун мүчөлөрү израилдик аскерлерге ок атышкан. ЦАХАЛ бул окуяны ок атышпоо режиминин бузулушу катары баалады. Маалыматка караганда, израилдик аскерлер арасында жабыркагандар жок.
Газа секторундагы, ХАМАСтын көзөмөлүндөгү медициналык мекемелердин өкүлдөрү билдиришкендей, шаршембиден бери 30дан ашуун адам каза болду.
Associated Press агенттиги жазгандай, бейшемби күнү Хан-Юнисте болгон эки израилдик аба соккусунун кесепетинен кеминде беш адам набыт болгону кабарланды.