Президент Садыр Жапаров менен Россиянын президенти Владимир Путин бүгүн “Ынтымак Ордодо” расмий жолугушуу аземине катышууда.
Аземдин алкагында эки лидер расмий сүрөткө түшүп, андан соң кеңири курамдагы жолугушуу өтүп жатат. Тараптар мындан ары да бир катар маселелерди талкуулап, сүйлөшүүлөрдү улантууда.
Жолугушуунун жыйынтыгында Садыр Жапаров менен Владимир Путин биргелешкен билдирүүгө, ошондой эле бир нече өкмөттөр аралык жана коммерциялык документтерге кол коюшу күтүлүүдө.
Документтер алмашылгандан кийин президенттер ЖМК үчүн биргелешкен билдирүү жасап, күндүн соңунда мамлекеттик кабыл алуу уюштурулат.