Кыргыз Республикасынын Президенти Садыр Жапаров бүгүн, 19-декабрда, Японияга болгон расмий сапарынын алкагында Токио шаарындагы «Акасака» мамлекеттик конок үйүнө келди.
Мамлекет башчысын Япониянын Премьер-министри Санаэ Такаити тосуп алды.
Андан соң Президент Садыр Жапаров менен Япониянын Премьер-министри ардактуу кароол ротасы тизилген кызыл килем аркылуу өтүшүп, биргелешип сүрөткө түшүштү.
Иш-чаранын алкагында тараптар Борбордук Азия өлкөлөрүнүн лидерлеринин урматына уюштурулган тосуп алуу кечки тамагына катышуу үчүн залга өтүштү.
Бул иш-чара Токиодо өтө турган «Борбордук Азия + Япония» Диалогунун биринчи саммитинин алдында уюштурулду.