Талас районуна караштуу Беш-Таш айыл аймагынын Жанкороз олуя айылында «Беш-Таш–Кайыңды» минералдык суу чыгаруучу кичи заводунун салтанаттуу ачылышы болуп өттү. Аземге Президент Садыр Жапаров онлайн катышты.
Жаңы завод жергиликтүү калкты сапаттуу жана экологиялык таза минералдык суу менен камсыздоого багытталган. Ишкана заманбап жабдуулар менен камсыздалып, өндүрүш процессинде сапатты көзөмөлдөөнүн бардык талаптары сакталат. Саатына 1000 даана бөтөлкө минералдык суу чыгарууга мүмкүнчүлүгү бар.
«Беш-Таш–Кайыңды» заводунун ишке кириши аймактын өнөр жай потенциалын кеңейтүүгө, ишкердикти өнүктүрүүгө жана калктын жашоо сапатын жакшыртууга чоң салым кошот.