10-мартта аба ырайынын кескин өзгөрүшүнө байланыштуу Кыргызстандын айрым ашууларында оор жүк ташуучу унаалардын кыймылына убактылуу чектөөлөр киргизилди.
Бишкек—Ош унаа жолунун Төө-Ашуу ашуусунда жана Суусамыр—Талас—Тараз унаа жолундөгү Өтмөк ашуусунда оор жүк ташуучу унаалар үчүн убактылуу чектөө киргизилди.
Учурда жол тейлөө кызматтары кар тазалоо, кум-туз аралашмасын себүү жана жол коопсуздугун камсыз кылуу иштерин үзгүлтүксүз жүргүзүп жатат. Жол кырдаалы туруктуу көзөмөлдө.
Маалыматка караганда, 2026-жылдын 10–15-март күндөрү өлкөнүн тоолуу аймактарында аба ырайы туруксуз болуп, кар көчкү түшүү жана кар күрткүсү күтүлөт. Ошондой эле жолдор тайгак болуп, муз тоңушу мүмкүн.