Оскардын 98-сыйлык тапшыруу салтанатына саналуу күндөр калды. Бул жылы бир нече рекорддор жаңыртылышы мүмкүндүгүн дүйнөлүк маданият тармагындагылар билдиришүүдө.
Бул жылы «One Battle After Another» (реж. Пол Томас Андерсон) жана «Sinners» (реж. Райан Куглер) фильмдери негизги атаандаштар болуп саналат.
- «One Battle After Another» — 13 номинация,
- «Sinners» — 16 номинация, бул тарыхынта бир фильм үчүн эң көп номинация рекордун жаңырткан.
Сыйлыктардын саны боюнча абсолюттук рекорд 11 жеңиш, ага 3 фильм жеткен:
- Ben-Hur (1959)
- Titanic (1997)
- The Lord of the Rings: The Return of the King (2003)
«One Battle After Another» 12 категорияда ат салышат, анткени Шон Пенн менен Бенисио дель Торо экөө тең «Экинчи пландагы мыкты актер» категориясына көрсөтүлгөн. Натыйжада, абсолюттук рекордду жаңылоосу көбүнчө «Sinners» фильмине көз каранды.
Райан Куглер — «Мыкты режиссер» категориясына көрсөтүлгөн жетинчи кара түстүү режиссер. Буга чейин Джон Синглтон (Boyz n the Hood, 1992), Ли Дэниелс (Precious, 2010), Стив Маккуин (12 Years a Slave, 2014), Барри Дженкинс (Moonlight, 2017), Джордан Пил (Get Out, 2018), Спайк Ли (BlacKkKlansman, 2019) режиссерлер көрсөтүлгөн.
Бирок мурунку номинанттардын эч кимиси жеңе элек. Куглер бул тарыхый мүмкүнчүлүктү пайдаланса болот. Бирок, азыркы божомол боюнча, Пол Томас Андерсон өзүнүн биринчи режиссерлук «Оскарын» алып, узак убакыттан бери күтүлгөн сыйлыгын алат деп болжолдонууда.
Бул жылкы салтанат көптөгөн тарыхый жана символикалык окуялар менен эсте калат деп күтүлүүдө.