Кыргызстанда мектеп окуучулары үчүн бардык окуу китептери жаңы билим берүү стандарттарына ылайык этап-этабы менен жаңыланууда.
Билим берүү өкүлү Ишеналиева билдиргендей, учурда жаңы муундагы окуу-методикалык комплекстер иштелип чыгып, басылып жатат. Бул процессте авторлор жана редакторлор мугалимдерге жана ата-энелерге онлайн жана оффлайн форматта колдоо көрсөтүүдө.
Тиешелүү маалымат Кара-Суу районундагы билим берүү уюмдарынын жетекчилери менен болгон жолугушууда айтылды. Анда жаңы окуу китептеринин мазмуну жана аларды киргизүүнүн өзгөчөлүктөрү кеңири талкууланды.
Министрлик белгилегендей, окуу китептерин жаңылоо иши этап-этабы менен жүргүзүлүп жатат. Салыштыруу үчүн, 2017-жылдан 2024-жылга чейин 4 миллиондон аз нускада окуу адабияттары басылып чыккан.
Жаңы стандарттар билим берүүнүн сапатын жогорулатууга жана окуучулардын заманбап талаптарга жооп берген көндүмдөрүн өнүктүрүүгө багытталган.