Талас облусунда 22 ири долбоорду ишке ашыруунун алкагында 1500дөн ашык жаңы жумуш орду түзүлөт. Бул тууралуу «Биринчи радионун» түз эфиринде президенттин облустагы ыйгарым укуктуу өкүлү Эрмат Жумаев билдирди.
Анын айтымында, долбоорлордун негизги багыты аймакты өнүктүрүүгө жана экономикалык өсүштү стимулдаштырууга карата пландалган. Жаңы долбоорлор жергиликтүү тургундарды жумушка тартуу менен облустун социалдык-экономикалык абалын жакшыртууга салым кошот.
«Ири долбоорлордун ишке кириши 1500дөн ашык жаңы жумуш ордун түзүүгө мүмкүндүк берет», — деди Эрмат Жумаев.