Индиянын Нью-Дели шаарында кыргыз элинин улуу мурасы — “Манас” эпосу хинди тилине которулуп, жарык көрдү. Бул тууралуу Манас улуттук академиясы билдирди.
Маалыматка ылайык, китептин бет ачары “Индия – Борбор Азия” эл аралык илимий конференциясынын алкагында өткөн. Эпосту хинди тилине которууну Кыргызстандын Индиядагы элчиси Аскар Бешимов колдоп, профессорлор Рамакант Двиведи жана Хем Чандра Пандей ишке ашырышкан.
25–26-март күндөрү өткөн конференцияга ошондой эле мурдагы элчи Ирина Оролбаева жана Назира Аалы кызы катышты.
Адистердин баамында, “Манас” эпосунун хинди тилине которулушу эл аралык маданий диалогду кеңейтип, илимий изилдөөлөр үчүн жаңы мүмкүнчүлүктөрдү ачат.